§ 23. 8/1982 LEGEA, EKAINAREN 30EKOA, "EUSKAL LEGEBILTZARKIDEEN ORDEZKAKETA ARAUPETUZ"

ZIOEN ADIERAZPENA

            Eusko Legebiltzarrari doakion hauteskunde-legegintza onartzeko bakarreango ahalmena Elkarte-Autonomiadunari aitortzen dio Autonomia-Estatutoak.

            Bakarreango ahalmen hau erabiliz, eta zendutako, ezindutako edo bere tokia utzitako euskal legebiltzarkideen ordezkoak izendatzeko, epailaren 18ko 20/77 Erregeren Dekreto-Legean, eta 29garren atalaren 6garrenari datxekola 20garren atalaren 8garreneko 2garren zatiak jartzen duen mugapena kentzeko, honako Lege hau onartzearen saloa egiten da:

Lehenengo Atala

            Eusko Legebiltzarraren legegintzaldi bakoitzeko edozein unetan bertako legebiltzarkideren bat hiltzea, ezinduta gelditzea edo bere tokia uztea gertatuko balitz, horren legebiltzarkidetokia hautagai-zerrenda bereko aldarrikatutako hautagaiari emango zaio, zerrendako hurrenkerari atxikiz.

2. Atala

            Lege honetan agindutakoaren aurka egon daitezen erabaki guztiak baliogabetuz gelditzen dira.