§ 243. 1/2002 LEGEA, URTARRILAREN 23KOA (EUSKAL AUTONOMI ELKARTEKO 2002.URTEKO AURREKONTUAK)

 

1. Artikulua - Euskal Irrati-Telebista erakunde publikoaren eta bere kudeaketa-baltzuen aurrekontua

1.- Euskal Irrati-Telebista erakunde publikoaren 2002. urteko ustiapen-aurrekontuan eta kapital-aurrekontuan, hurrenez hurren, 81.584.389 euro eta 13.973.531 euroko zuzkidurak onartzen dira, eta, aurreikusitakoaren arabera, diru-baliabideak zenbateko berekoak izango dira.

2.- Irrati eta Telebistako zerbitzu publikoak kudeatzeko baltzu publikoen aurrekontuetan, honako zuzkidura hauek onartzen dira:

3.- Irrati-Telebistako zerbitzu publikoak kudeatzeko baltzu publiko horientzat aurreikusitako diru-baliabideek baltzu bakoitzerako onartutako zuzkiduren guztizko zenbateko bera izango dute.

4.- Euskal Irrati-Telebista Erakunde Publikoa Sortzeko maiatzaren 20ko 5/1982 Legearen 44. artikuluaren arabera, onartu egiten da Euskal Irrati-Telebista erakunde publikoaren eta Irrati eta Telebistako zerbitzu publikoak kudeatzeko baltzu publikoen aurrekontu bateratua. Zuzkiduretan, 124.063.022 euro dagozkio ustiapen-aurrekontuari eta 13.973.531 euro, berriz, kapital-aurrekontuari, eta, aurreikusitakoaren arabera, diru-baliabideak zenbateko berekoak izango dira.

2. Artikulua - Osakidetza-Euskal Osasun Zerbitzua erakunde publikoaren aurrekontua

Osakidetza-Euskal Osasun Zerbitzua erakunde publikoaren ustiapen-aurrekonturako eta kapital-aurrekonturako, hurrenez hurren, 1.333.167.653 euro eta 55.743.872 euroko zuzkidurak onartzen dira, eta aurreikusitakoaren arabera, diru-baliabideak zenbateko berekoak izango dira. Gerorako konpromiso-kredituetarako, berriz, 41.097.200 euro jasotzen dira; azken kreditu horiek 2002az geroztik izango duten urtekako aurrekontu-banaketa lege honen I. eranskinean zehazten da.

3. Artikulua - Bermeak ematea eta birfinkatzea

1.- 2002ko ekonomia-urtean zehar, Euskal Autonomia Erkidegoko Administrazioak, gehienez, 50.000.000 euro erabili ahal izango ditu, edozein motatako eragiketetarako abalak emateko.

2.- 2002ko ekonomia-urtean zehar, halaber, elkarrekiko bermerako baltzuek enpresa txiki eta ertainei emandako bermeak birfinkatu ahal izango ditu Euskal Autonomia Erkidegoko Administrazioak, bermeok laguntza-tresna baitira enpresek berezko fondoak lortzeko edo epe luzean finantzatzeko, betiere erakunde horiekin izenpeturiko hitzarmenen esparruaren baitan.

4. Artikulua - Langileriaren arloko kredituak

1.- Euskadiko aurrekontu-erregimenari buruz indarrean dauden lege-xedapenen bateratutako testua onartzeko irailaren 27ko 1/1994 Legegintzako Dekretuaren 22. artikuluan xedatutakoaren ondorioetarako, Euskal Autonomia Erkidegoko Administrazioaren eta bere erakunde autonomiadunen aurrekontu-plantillak izaera mugatzailea izango du eta gehienezko muga erakunde horietako guztietako funtzionarioen, lan-kontratuko langile finkoen eta behin-behineko langileen kopuru osoa izango da.

2.- Euskadiko aurrekontu-erregimenari buruz indarrean dauden lege-xedapenen bateratutako testua onartzeko irailaren 27ko 1/1994 Legegintzako Dekretuaren 66.3 artikuluan xedatutakoaren ondorioetarako, eta 2002. urterako bakarrik, Euskal Autonomia Erkidegoko Administrazio Orokorraren eta bere erakunde autonomiadunen aurrekontuen I. kapituluko 122, 131, 132, 161 eta 162. kontzeptuen barruan dauden gastuek lotura-izaera izango dute kontzeptuaren mailan.

5. Artikulua - Lanpostu berriak

1.- Orokorrean, lanpostu berriak sortu baino lehenago, urteko kostu gordinaren pareko edo gehiagoko lanpostuak amortizatu beharko dira.

2.- Aurreko puntuan ezarritakoa eta guzti, Jaurlaritzaren Kontseiluak, Ogasun eta Herri Administrazio Sailaren proposamenez, lanpostu berriak sortzeko baimena eman ahal izango du honelako kasuetan:

a) 2002. urtean, Euskal Autonomia Erkidegoan, justiziako organo eta zerbitzu berriak sortzearen ondorioz, Justizia, Lan eta Gizarte Segurantza Sailak txostena egin ondoren, eta txostenean ziurtatzen bada ezinezkoa dela beharrizan berriak betetzea aurreko dotazioen leku-aldatze hutsarekin.

b) Berrantolaketak egiten direnean, Jaurlaritzaren Kontseiluak erabakitako modu eta eran, eta Jaurlaritzaren Lehendakariordetzak aldeko txostena egin ondoren.

c) Euskal Autonomia Erkidegoko Administrazioko Negoziazio Mahai Orokorrak 35 orduko lanaldiari eta lanaren inguruko neurriei buruz onartutako Akordioa -2000ko ekainaren 28koa- eta akordio horretatik eratorritako sektore-akordioak aplikatzearen ondorioz.

6. Artikulua - Jarduera-gastuetarako kredituak

Euskadiko aurrekontu-erregimenari buruz indarrean dauden lege-xedapenen bateratutako testua onartzeko irailaren 27ko 1/1994 Legegintzako Dekretuaren 66.3 artikuluan xedatutakoaren ondorioetarako, eta 2002. urterako bakarrik, Euskal Autonomia Erkidegoko Administrazioaren eta bere administrazio-erakunde autonomiadunen aurrekontuetako gastuen egoera-orrietan sartutako ordainketa-kredituek muga-izaera eta lotura-izaera izango dituzte kapituluaren mailan, sekzio eta programa bakoitzerako, ekonomiako sailkapenari dagokionez; aurrekontu horiek II. kapituluari dagozkio, hain zuzen ere, jarduteko gastuen kapituluari. Hala eta guztiz ere, Aurrekontuaren gastuen zehaztasunetan gastu ezkututzat jotzen diren kredituek ez dute horrelako izaerarik izango, eta horregatik, kapitulutik beherako mailetan, ez da beharrezko izango kredituen transferentziarik egitea, baina, hala ere, gastua dagokion kontabilitate-artikuluan kokatu beharko da.

7. Artikulua - Kredituak: eragiketa arruntetarako eta kapital-eragiketarako transferentziak eta diru-laguntzak egiteko

1.- Euskadiko Aurrekontu Erregimenari buruzko indarreko lege-xedapenen testu bategina onartzeko irailaren 27ko 1/1994 Legegintzako Dekretuko 66.3 artikuluan xedatutakoaren ondorioetarako, eta 2002. urterako bakarrik, Euskal Autonomia Erkidegoko Administrazioaren eta bere administrazio-erakunde autonomiadunen aurrekontuetako gastuen egoera-orrietan sartutako ordainketa-kredituek muga-izaera eta lotura-izaera izango dituzte artikuluaren mailan, sekzio eta programa bakoitzerako, ekonomiako sailkapenari dagokionez; aurrekontu horiek IV eta VII. kapituluei dagozkie -hain zuzen ere, gastu arruntetarako transferentziak eta diru-laguntzak, eta kapital-eragiketetarako transferentziak eta diru-laguntzak biltzen dituzten kapituluei.

2.- Aurreko paragrafoan ezarritakoa hori izanik ere:

a) "Enplegua" izeneko 3211 programako eta "Prestakuntza" izeneko 3231 programako ordainketa-kredituek lotura-izaera izango dute kapitulu, sekzio eta programa mailan.

b) "Nekazaritza eta Landa Garapena" izeneko 7111 programako eta "Nekazaritzako Elikagaiak" izeneko 7113 programako ordainketa-kredituek lotura-izaera izango dute kapitulu, sekzio, zerbitzu eta programa mailan.

8. Artikulua - Kredituak aurrekontuan sartzeko modua

1.- Euskadiko aurrekontu-erregimenari buruz indarrean dauden lege-xedapenen bateratutako testua onartzeko irailaren 27ko 1/1994 Legegintzako Dekretuak arautzen du nola sartu behar diren kredituak aurrekontuan, eta, ondorioz, 2002koan ere. Arau horretako 87. artikuluaren ondorioetarako, Jaurlaritzaren Kontseiluari dagokio, Ogasun eta Herri Administrazio Sailak proposatuta, kredituak aurrekontuan sartzea.

2.- Jabetza kentzeko gastuen kredituak sartzen badira aurrekontuan, Euskadiko aurrekontu-erregimenari buruz indarrean dauden lege-xedapenen bateratutako testua onartzeko irailaren 27ko 1/1994 Legegintzako Dekretuaren 90.1 artikuluak ezartzen duen denbora bi ekonomia-urtekoa izango da.

9. Artikulua - Lansarien gehikuntza

1.- Euskal Autonomia Erkidegoaren Administrazio Orokorreko eta bere erakunde autonomiadunetako edo zuzenbide pribatuko erakunde publikoetako lan-kontratukoak ez diren langileentzako urteko lansarien zenbatekoak, 2002ko urtarrilaren 1eko ondorioekin, ezin izango du, guztira, %2tik gorako igoera izan, 2001eko ekonomia-urtean ezarritakoaren aldean, bi erkaketa-aldietarako homogeneotasunari eutsita, bai langileen kopuruari eta antzinatasunari dagokienez, bai eta lanaldi-motari dagokionez ere.

2.- Lan-kontratukoak ez diren langileak honako hauek dira: Euskal Autonomia Erkidegoaren Administrazio Orokorreko eta bere erakunde autonomiadunetako edo zuzenbide pribatuko erakunde publikoetako karrerako eta bitarteko funtzionarioak, bai eta Osakidetza-Euskal Osasun Zerbitzuko estatutupeko langileak ere.

3.- Justizia Administrazioko langileen lansariek dagokien araudia bete beharko dute.

4.- 1. paragrafoan zehaztutakoak eta guzti ere, lanpostuaren edukian izandako aldaketengatik lansari osagarrietan berariaz eta salbuespenez ezinbestean egin beharreko egokitzapenak gauzatu ahal izango dira. Era berean, paragrafo horretan zehaztutakoa eta guzti ere, lanpostuak antolatzeko eta sailkatzeko sistemak aplikatu ahal izango dira. Sistema horiek ezargarriak izango zaizkie transferentzien bitartez euskal herri-administrazioetan sartzen diren langileei ere.

5.- Euskal Funtzio Publikoari buruzko uztailaren 6ko 6/1989 Legeko 79.1.a) artikuluarekin bat, destinoagatiko urteko osagarria, lanpostu bakoitzaren mailari dagokiona, honako hau izango da:

6.- Lege honen ondorioetarako, guztizko lansariak esaten denean, hau adierazi nahi da, alegia, kasuan kasuko langileek, 2001ean zehar, sortutako lansari guztiak (soldatazkoak nahiz soldataz bestekoak) eta gizarte-ekintzako gastu guztiak. Hala ere, badira zenbait salbuespen:

a) Gizarte Segurantzako prestazioak eta kalte-ordainak.

b) Enplegu-emaileak Gizarte Segurantzako sistemari ordaindu beharreko kotizazioak.

c) Leku-aldatzeei edo lan-iraizpenei dagozkien kalte-ordainak.

d) Langileak egindako gastuengatiko kalte-ordainak.

7.- Euskal Autonomia Erkidegoaren Administrazio Orokorreko eta bere erakunde autonomiadunetako edo zuzenbide pribatuko erakunde publikoetako eta baltzu publikoetako lan-kontratuko langileentzako guztizko lansariak, 2002ko urtarrilaren 1eko ondorioekin, ezin izango du, guztira, %2tik gorako igoera izan, 2001eko ekitaldian ezarritakoaren aldean; hala ere, bestelako igoera bat gauzatu ahal izango da lanpostuak antolatzeko eta sailkatzeko sistemen aldaketen ondorioz.

8.- Aurreko paragrafoan jasotakoa, hortaz, 2002ko guztizko lansariei dagokien goi-muga da; hori, gero, negoziazio kolektiboaren bidez ezarri eta emango zaie banakakoei.

9.- Guztizko lansarien aldaketak homogeneotasunari eutsita kalkulatuko dira erkaketaren bi aldietarako, bai langileen kopuruari eta antzinatasunari dagokienez, bai lanaldi-motari, lanari eta gainerako lan-baldintzei dagokienez.

10.- Artikulu honetako aurreko paragrafoetan aurreikusia hala izanik ere, fondo bat ezarri da, 8.819.612 eurokoa, eta fondo horren helburua da Euskal Autonomia Erkidegoko Negoziazio Mahai Orokorrean lortutako akordioen esparruan bidezko diren lansari-kontzeptuak erabaki eta izendatzea. Lansari-kontzeptu horien helburuak, besteak beste, hauexek dira: esparru eta sektore espezifikoetako lansariak berrantolatzea, baliabideak orekaz banatzea eta zerbitzu publikoen modernizazioa, arrazionalizazioa eta produktibitatea sustatzea.

11.- Lehendakari, lehendakariorde, sailburu, goi-kargudun eta asimilatutakoen lansarietan, 2002ko ekonomia-urterako, gehienez eta hala badagokio, Autonomia Erkidegoaren Administrazio Orokorreko eta bere erakunde autonomiadunetako lan-kontratukoak ez diren langileen urteko lansariei orokorrean ezarritako igoera orokorraren ehuneko bera aplikatuko da, oinarritzat hartuta 2001eko abenduaren 31n indarrean dauden lansariak. Nolanahi ere, lansarien egitura errespetatzeko eta dagozkien kategoriari eta karguari eusteko, gutxienez, maila goreneko funtzionarioentzat orokorrean eta gehienez aurreikusitako lansarien parekoak jasotzea bermatuko zaie.

12.- Artikulu honetako lehenengo paragrafoan agertutako langileen aldean lansariak parekatuta ez dituzten behin-behineko langileek beraiekin asimilatuta dauden langileentzako igoera bera izango dute. Salbuespenak izango dira zenbateko finkoa duten lansariak, horiei aurreko paragrafoan adierazitako igoera ezarriko baitzaie.

13.- Banakakoentzako osagarriek, aldi baterako osagarriek eta zerbitzuagatiko kalte-ordainek arau bereziak izango dituzte.

10. Artikulua - Hitzarmen kolektiboak izenpetzeko baldintzak

1.- Jaurlaritzaren Kontseilua izango da, Ogasun eta Herri Administrazio Sailak txostena eman ondoren, honako hauek onartuko dituena: Euskal Autonomia Erkidegoaren Administrazio Orokorreko eta bere erakunde autonomiadunetako lan-kontratuko langileen gain eragina duten hitzarmen kolektiboak, soldaten berrikuspenak edo lehendik izenpetuta dauden hitzarmenei oso-osoan edo zati batean atxikitzeko akordioak edo horietara zabaltzeko akordioak. Euskal Autonomia Erkidegoko erakunde-administrazioko baltzu publikoetako edo zuzenbide pribatuko erakunde publikoetako lan-kontratuko langileen gain eragina dutenean, berriz, izenpetu aurretik Ogasun eta Herri Administrazio Sailaren txostena izango da beharrezko eta, gero, Ekonomia Gaietarako Ordezko Batzordeak emandako aldeko irizpena.

2.- Aurreko paragrafoan zehaztutako ondorioetarako, dagokion akordio-proiektua bidaliko zaio Ogasun eta Herri Administrazio Sailari, eta proiektuarekin batera, 2001. urteko guztizko lansariaren eta ordainsarien zenbatekoa, eta 2002. urterako aurreikusitako guztizko lansariaren eta ordainsarien zenbatekoa, bai eta proiektu horretan jasotako alderdi ekonomiko guztien balorazioa ere. Sail horrek, aipatutako dokumentazioa jaso eta, gehienez, 15 eguneko epearen barruan, dagokion txostena egingo du. Txosten horretan, alderdi ekonomikoei dagokienez, gastu publikoaren arloan ondorioak dakartzaten gaiak jasoko dira; hori guztia, hala ere, ez da eragozpen izango Euskal Autonomia Erkidegoko Ekonomi Kontrolari eta Kontabilitateari buruzko ekainaren 30eko 14/1994 Legean ezarritako kontrol ekonomikoa gauzatzeko.

11. Artikulua - Hartzeko pasiboetarako kredituak

1.- Indarrean dauden arau berezietan xedatutakoarekin bat etorriz bidezkoak diren kasuetan eta kopuruen arabera ordainduko dira pentsioak eta bestelako eskubide pasiboak.

2.- Eskatutako gabealdiak bete dituzten langileek -maiatzaren 13ko 1/1986 Legegintzako Dekretua ezarriz-, hartzeko pasiboak direla-eta, sortutako pentsioak ehuneko bi (%2) igoko dira, 2002ko urtarrilaren 1eko ondorioekin.

12. Artikulua - Itunpeko ikastetxeen gastuei aurre egiteko ekonomia-modulua

1.- Lege honen II. eranskinean finkatzen dira hezkuntza-maila bakoitzaren moduluko osagaiak eta dagozkien zenbatekoak.

Lege honetan jasota ez dauden baina ezarriz joango diren prestakuntza-zikloei LH II-LM IIIko modulua ezarriko zaie aldi batez.

2.- II. eranskinean zehaztutako modulu ekonomikoek gehieneko muga ekonomikoak hartzen dituzte, irakasleen eta irakasle ez diren langileen gastuak bertan sartuta direla.

Aurreko lerroaldean ezarritakoa hala izan arren, ordainketa eskuordetua daukaten mailetan, irakasle bakoitzaren benetako antzinatasuna kontuan hartuta ordainduko da inoren kontura diharduten langileen eta kooperatibisten antzinatasuna.

13. Artikulua - Tasak

1.- Oinarriaren ehuneko jakin bat finkatuta ez egoteagatik edo oinarria moneta-unitateetan emana ez egoteagatik finkoak diren Euskadiko Ogasun Nagusiaren tasak igo egingo dira: 2000rako eskatzen ziren zenbatekoei, hain zuzen ere, bat koma zero bi (1,02) koefizientea aplikatuko zaie.

Igoera horretatik kanpo gelditzen dira lege honen bidez eguneratzen diren tasak.

Lehenengo lerroaldean ezarritako koefizientea aplikatuz lortzen diren zenbatekoak biribilduko dira, goitik edo behetik, 5 eurozentimoren multiplora.

2.- Aldatu egiten da maiatzaren 29ko 13/1998 Legearen 34. artikuluaren testua, eta hauxe du idazkera berria:

"Tasa honako tarifa honen arabera eskatuko da:

3.- Aldatu egiten da maiatzaren 29ko 13/1998 Legearen 44. artikuluaren testua, eta hauxe du idazkera berria:

"Tasa honen zerga-oinarria kontratuaren prezioa da -balio erantsiaren gaineko zerga eta tasa hau kenduta-, eta ziurtagiriak erabiliko dira kontratuaren prezioa egiaztatzeko. Orobat, eta hala dagokionean, prezioak berraztertu eta lanak kitatu ondoren lortzen diren zenbateko gehigarriak ere zerga-oinarrian sartuko dira.

Zerga-tasa %4koa izango da."

4.- Aldatu egiten da maiatzaren 29ko 13/1998 Legearen 79. artikuluko 5. tarifa, eta hauxe du idazkera berria:

"5.- Industria-segurtasuneko erregelamenduen menpeko instalazioak -proiektua behar dute baina administrazio-baimenik ez-, beste epigrafeetan jaso ez direnak: oinarrizko tarifaren %100, eta gehienez ere 601,01 euro."

5.- Aldatu egiten da maiatzaren 29ko 13/1998 Legearen 83. artikuluko 1. tarifaren testua, eta hauxe du idazkera berria:

6.- Aldatu egiten da maiatzaren 29ko 13/1998 Legearen 87. artikuluko 1. tarifaren testua, eta hauxe du idazkera berria:

"1. Energia.

1.1 Energia eta gai energetikoak sortzeko, garraiatzeko, banatzeko eta eraldatzeko instalazioen emakidak, administrazio-baimenak abian jartzea: 79. artikuluko 4. tarifa ezartzen da.

1.2 Erregelamandu teknikoaren menpeko instalazioak -proiektua behar dute baina administrazio-baimenik ez-: 79. artikuluko oinarrizko tarifaren %100, eta gehienez ere 601,01 euro."

7.- Aldatu egiten da maiatzaren 29ko 13/1998 Legearen 87. artikuluko 2.2 tarifako epigrafeen testua, eta hauxe du idazkera berria:

8.- Aldatu egiten da maiatzaren 29ko 13/1998 Legearen 93. artikuluko 4. tarifaren testua, eta hauxe du idazkera berria:

"5. Industria-segurtasuneko erregelamenduen menpeko instalazioak -proiektua behar dute baina administrazio-baimenik ez-, beste epigrafeetan jaso ez direnak: 79. artikuluko oinarrizko tarifaren %100, eta gehienez ere 601,01 euro."

9.- Aldatu egiten da maiatzaren 29ko 13/1998 Legearen 127. artikuluko 3. paragrafoko tarifaren testua, eta hauxe du idazkera berria:

10.- Aldatu egiten da maiatzaren 29ko 13/1998 Legearen 129. artikuluaren testua, eta hauxe du idazkera berria:

"129. artikulua.- Abere bizietan eta eratorritako produktuetan zenbait substantzia eta horien hondarrak ikertzeko osasun-kontrolak direla-eta ordaindu beharreko tasaren zerga-kuota:

1. Hiltzeko diren abere bizietan eta beren haragietan zenbait substantzia eta horien hondarrak ikertzeko osasun-kontrolak direla-eta ordaindu beharreko zerga-kuotak hurrengo taulan biltzen dira:

2. Akuikulturako produktuetan zenbait substantzia eta hondar kontrolatzeagatik, 0,10 euroko kuota jasoko da tonako.

Esnean eta esnekietan zenbait substantzia eta hondar ikertzeagatik, lehengai gisa erabilitako bi mila litro esne gordineko, 0,05 euroko kuota sortuko da.

Arrauzkietan eta eztian zenbait substantzia eta hondar kontrolatzeagatik, 0,05 euroko kuota jasoko da tonako."

11.- Aldatu egiten da maiatzaren 29ko 13/1998 Legearen 127. artikuluaren 3. paragrafoko tarifaren testua, eta hauxe du idazkera berria:

"4. Abere-hiltegien titularrek laguntzaileen diru-aurrerakina kendu ahal izango dute. Kenketa horren gehienezko zenbatekoak ondoko hauek izango dira hildako abere bakoitzeko:

12.- Aldatu egiten da Euskal Autonomia Erkidegoko aterpekide-agiria, nazioarteko onarpena duena, emateagatiko tasaren kuotari buruzko testua -maiatzaren 29ko 13/1998 Legearen 153 ter artikuluan datorrena-, eta hauxe du idazkera berria:

"Kuota.

Tasa honako tarifa honen arabera eskatuko da:

14. Artikulua - Aldizkako informazioak eta bestelako informazioak

1.- Jaurlaritzak, hiruhilero, ondoko eragiketen berri emango dio Eusko Legebiltzarreko Ekonomia, Ogasun eta Aurrekontu Batzordeari. Hona hemen eragiketok:

a) Euskal Autonomia Erkidegoko Administrazioaren eta bere erakunde autonomiadunen aurrekontuetan azaltzen diren kredituei transferentzien bidez egindako aldaketen egoera.

b) Aldi horretan emandako abalen zerrenda, eta, abala jaso dutenek ez betetzea dela eta, aurre egin behar izan dien abalei buruzko informazioa.

c) Baltzu Publikoen eta zuzenbide pribatuko erakunde publikoen egoera-balantzea, galeren eta irabazien egoera-orria, finantzen taula eta, azkenik, ustiapen-aurrekontuak eta kapital-aurrekontuak.

2.- Aurreko zenbakian aipatzen den informazioak zehatz-mehatz adieraziko ditu ukitutako programa, sekzio eta kapitulua; hiruhilabeteko bakoitzaren muga-egunean itxiko da informazioaldia eta aipatutako muga-egunaren hurrengo bigarren hilabeteko 15a baino lehen igorriko da Legebiltzarrera.

3.- Jaurlaritzak Eusko Legebiltzarreko Ekonomia, Ogasun eta Aurrekontu Batzordeari hainbat eragiketaren berri emango dio eragiketa horiek gertatzen diren hilaren hurrengoan. Lehen esan bezala, dagokien programa, sekzioa, zerbitzua eta kapitulua jaso beharko dituzte zehatz-mehatz informazio horiek. Hona hemen aipatutako eragiketak:

a) Egindako zorpetze-eragiketak.

b) Jaurlaritzaren Kontseiluak Autonomia Erkidegoko erakunde-administrazioa osatzen duten erakundeei emandako urtebetetik edo gutxiagorako kreditu eta aurrerakinak.

c) Itundutako zergetan foru-aldundi bakoitzak izandako diru-sarrerak, zergaka sailkatu eta zehaztuak.

d) Euskal Autonomia Erkidegoko Administrazioaren eta bere erakunde autonomiadunen aurrekontuen betetze-maila.

e) Proiektu Estrategikoen Fondoaren pentzutan emandako laguntzen zehaztapena.

Xedapen Gehigarriak

Lehenengoa - Enpleguko eta prestakuntzako programen kontrola eta jarraipena

Justizia, Lan eta Gizarte Segurantza Sailak, erakundeetan ordezkaritza duten enpresa-erakundeek eta indarrean dagoen legediaren arabera ordezkari gehien dituzten sindikatuek Justizia, Lan eta Gizarte Segurantza Sailari atxikitako batzorde bat osatuko dute, eta hauexek ditu eginkizun: hurrenez hurren enpleguari eta langabeentzako lanerako prestakuntzari dagozkien 3211 eta 3231 programak ezartzeko moduaren gaineko kontrola eta jarraipena egitea.

Bigarrena - Oinarrizko errenta

Gizarte Eskubideen Agiriaren abenduaren 27ko 10/2000 Legearen 7.1 artikuluan jasotako ondorioetarako, oinarrizko errentaren zenbatekoa, 2002. urterako, lanbide arteko gutxieneko urteko soldataren %79ari dagozkion diru-sarrerak hamabi hilabetetan ziurtatzeko beharrezkoa den kopurua izango da, pertsona bakarraren kasuan. Kopuru horri beste %25 gehituko zaio bigarren pertsonarentzat eta pertsonako %10, hirugarren pertsonatik aurrera.

Hirugarrena - Etxebizitza-arloko finantza-neurriak

Babes ofizialeko etxebizitzen erregimenari eta etxebizitzaren eta lurzoruaren inguruko finantza-neurriei buruzko abenduaren 26ko 306/2000 Dekretuko 20. artikuluan agindutakoa betetzeko, deskontuen bidez 2002. urtean zehar egingo dituen finantza-eragiketen zenbatekoak ezin izango du 60.000.000 eurotik gora egin.

Laugarrena - Ekonomia Sustatzeko Fondoa

1.- Ekonomia Sustatzeko Fondoaren helburua da finantza-babesa ematea Euskal Autonomia Erkidegoko industriako eta turismoko enpresa txiki eta ertainentzako laguntzei; laguntza horiek bermeak eta itzuli beharra duten aurrerakinak dira. Fondoaren helburua da, era berean, finantza-babesa ematea zientziaren, teknologiaren eta berrikuntzaren planaren esparruko laguntzen arau erregulatzaileetan ezartzen diren entitateei, eta arauotan ezarritakoaren arabera emango dira laguntzak. Bestalde, Euskadiko aurrekontu-erregimenari buruz indarrean dauden lege-xedapenen bateratutako testua onartzeko irailaren 27ko 1/1994 Legegintzako Dekretuan ezarritakoa eta guzti ere, organo eskudunak gastu-konpromisoak hartu ahal izango ditu bere gain, betiere Ekonomia Sustatzeko Fondorako aurrekontu-kreditu osoetan finantza-babesa ematen badiete konpromiso horiei.

2.- Laguntzen finantza-kudeaketa Garapenerako Euskadiko Kapital Sozietatea, S.A.ren bitartez egingo da, lankidetzarako akordioan azaltzen diren moduak eta erak lokarri izango dira, eta proiektu estrategikoei emandako laguntzen modu berean kudeatuko dira. Baltzu horrek, halaber, erakunde laguntzaile gisa jardun ahal izango du, hala aurreikusten baita Euskal Herriko Ogasun Nagusiaren Antolarauei buruzko Legearen testu bategina onartzeko azaroaren 11ko 1/1997 Legegintzako Dekretuaren 52. artikuluan eta bera garatzen duten arauetan.

Bosgarrena - Lurralde-ordezkaritzak berrantolatzea

Jaurlaritzaren Kontseiluak lurralde-ordezkaritzak pausoka berrantolatzeko hartutako akordioek ukitutako aurrekontuetan gertatutako aldaketak gauzatzeko baimena emango du Ogasun eta Herri Administrazio Sailak, inolako mugakizunik gabe, betiere erakundeen arteko eta administrazioen arteko subsidiaritate, eraginkortasun eta efizientzia irizpideak oinarri direla. Hiru bide erabil daitezke horretarako: bata, arlo berezietan Eusko Jaurlaritzaren lurralde-jarduerak biltzen dituzten zerbitzuetarako zentro bateratuetan zenbait funtzio fisikoki sartzea; bestea, zenbait zerbitzu zuzenean foru-aldundiei eta udalei egoztea; edo bestela, hirugarrena, antolamendua arrazionalizatzea, kudeaketa deszentralizatzeko egingo diren prozesuen bidez.

Seigarrena - Lanbide-heziketako neurriak

1.- Euskal Autonomia Erkidegoko lanbide-heziketako herri-ikastetxeek etengabeko prestakuntza eta lanerako prestakuntzako ikastaldiak emateko langileria-gastuak finantzatzeko lortutako fondoak, Ogasun eta Herri Administrazio Sailak sortu bezain laster Hezkuntza, Unibertsitate eta Ikerketa Sailaren I. kapituluan sartuko dira besterik gabe.

2.- Fondo horiek Euskal Autonomia Erkidegoko Administrazioko beste sail batzuetatik lortzen badira, fondook Hezkuntza, Unibertsitate eta Ikerketa Sailean sartu ahal izateko, dagozkion aurrekontu-aldaketak egin beharko dira kreditu-transferentzien bidez.

Zazpigarrena - Etxebizitza eta lurzoru gaietako finantza-eragiketak

Ogasun eta Herri Administrazio Sailari baimena ematen zaio, etxebizitza eta lurzoru gaietako finantza-itunetatik eratorritako ordainketa-obligazioak segurtatu edo birmoldatzeko finantza-eragiketak ituntzeko, betiere Jaurlaritzaren Kontseiluak erabakitako era eta moduan.

Zortzigarrena - Zientziaren, teknologiaren eta berrikuntzaren arloko jardunak

Ogasun eta Herri Administrazio Sailak arauak eman eta beharrezko prozedurak ezarriko ditu, Ekonomia Gaietarako Ordezko Batzordeak xedatutakoarekin bat, zientziaren, teknologiaren eta berrikuntzaren arloko jardueretara bideratutako programen eta kredituen jarraipena egiteko sistema normalizatua sartzeko.

Bederatzigarrena - 2001eko Aurrekontu Orokorren kitapena

Euskal Autonomia Erkidegoko 2001 urteko aurrekontu orokorren kitapena eurotan adieraziko da.

I. ERANSKINA

KREDITU HANDIGARRIAK

1.- I. kapituluko kredituak -hain zuzen ere Euskal Autonomia Erkidegoko Administrazioan eta bere erakunde autonomiadunetan diharduten langileei ordaintzeko direnak-, horrela bete egingo baitira Euskal Funtzio Publikoari buruzko uztailaren 6ko 6/1989 Legean ezarritako lansarien arauak.

2.- Lan-kontratuko langileei ordaintzeko kredituak, baldin eta indarrean dagoen araubideari jarraiki erabakitako soldata-gehikuntzen ondorioz kredituok gehitu behar badira.

3.- Benetan egindako zerbitzaldiaren hirurtekoak ordaintzeko kredituak, eta Herri Administrazioan Egindako Zerbitzuak Aitortzeari buruzko abenduaren 26ko 70/1978 Legean xedatutakoa ezartzeko kredituak.

4.- Dauden lanpostu hutsak direla eta, urritu diren langile-dotazioen kredituak, baldin eta ezargarria den legediaren arabera betetzen badira lanpostu huts horiek.

5.- Klase pasiboetako kredituak, betiere kredituok sortu ziren urtean zeuden betebehar espezifikoen aitortze-mailaren arabera eta indarrean dagoen araubideak ezarritakoari jarraiki.

6.- Aurrekontuetan egindako akats teknikoen ondorioz ukituta geratzen diren kredituak eta, batez ere, transferentzien akordioetan akats horiek zuzentzeko jasotako kredituak, hain zuzen ere, zuzenketa egiteak dakarren kostuaren gehikuntzari aurre egitekoak.

7.- Euskal Autonomia Erkidegoko Administrazioak jaulkitako mota guztietako Zor Publikoaren beharkizunak betetzeko kredituak. Hona hemen beharkizunen jatorria: batetik, kapitalaren korrituak eta amortizazioa, eta, bestetik, Zor Publikoa jaulki, bihurtu, trukatu edo amortizatzeko eragiketek dakartzaten gastuak, langileria-gastuak izan ezik.

8.- Hezkuntza-arloan itundutako konpromisoak bermatzeko kredituak, bai eta konpromisoak finantzatzeko kredituak ere (Eskola Ituna).

9.- Lanbide Prestakuntzarako Euskal Plana garatzeko kredituak.

10.- Indarrean dagoen legediaren arabera, beste toki batean bizitzeagatik langileari dagozkion kalte-ordainak ordaintzeko kredituak, baldin eta kalte-ordain horiek jasotzeko eskubidea aitortu bada lanpostu horretarako.

11.- Elbarrientzako ibilgailuak, ospitalez kanpoko farmazia-laguntza eta protesiak ordaintzeko kredituak, hain zuzen ere, Osasun Saileko aurrekontuan horretarako jasota daudenak.

12.- Gizarte Eskubideen Agiriaren abenduaren 27ko 10/2000 Legean oinarrizko errenta ordaintzeko ezarritako kredituak.

13.- Indarrean dagoen legediaren arabera, terrorismoaren biktimentzako diru-laguntzak eta laguntzak ordaintzeko kredituak.

14.- Gizarte-larrialdietako laguntzak ordaintzeko kredituak: 20.000.000 euroko diru-kopurua, gehienez ere.

15.- Mehatxatutako pertsonak eta ondasunak zaintzeko eta horien segurtasuna bermatzeko zerbitzu osagarriak garatzeko kredituak.

16.- Seme-alabak dauzkaten familientzako laguntza-plana garatzeko kredituak.

17.- Egoera-orriaren azalpen xehekatuan handigarri-izaerarekin zehazten diren kredituak.

II. ERANSKINA

ITUNPEKO IKASTETXEEN GASTUEI AURRE EGITEKO EKONOMIA-MODULUA

1.- Lege honen 12. artikuluak aurreikusten duenaren arabera, itunpeko ikastetxeen ikasgela bakoitzeko ekonomia-moduluen osagaien urteko zenbatekoak honela geratuko dira hezkuntza-maila guztietarako, modulu betea daukaten gela itunduei dagokienez:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

2.- Zati-moduluak honako irizpide honen arabera eguneratuko dira: erreferentziazko modulu betearen gainean ikasgela bakoitzarengatik, eta moduluari jarraiki, aplikatu beharreko finantzaketa-ehunekoari eutsi egingo zaio lege honen bidez onartzen diren modulu beteak ezarri ondoren, salbu eta LOGSEko Batxilergoaren gutxieneko zati-modulua, hori %55ekoa izango baita.

ASTUEN ZATIAREN ERANSKINA

Euskal Autonomia Erkidegoko 2002. urteko Aurrekontu Orokorrak Onartzen dituen lege proiektuaren gastuen zatian, honako sekzioak onetsi zituen Eusko Legebiltzarrak: 02 (Lehendakariordetza), 04 (Hezkuntza, Unibertsitate eta Ikerketa), 07 (Etxebizitza eta Gizarte Gaiak), 08 (Justizia, Lan eta Gizarte Segurantza), 09 (Osasuna), 51 (Lan Harremanen Kontseilua), 52 (Ekonomia eta Gizarte Arazoetarako Batzordea), eta 53 (Euskadiko Kooperatiben Goren Kontseilua). Honako aldaketak onetsi zituen sekzio horietan:

02 SEKZIOA. LEHENDAKARIORDETZA

1123 Programa. Lehendakariordetza

Sortu egin da 12 Zerbitzuko 45499 azpikontzeptuan "Udalbide elkartearekin hitzarmena" izeneko 001 kontu-saila, 450.759 eurokoa.

04 SEKZIOA. HEZKUNTZA, UNIBERTSITATEA ETA IKERKETA

4223 Programa. Unibertsitateko irakaskuntza

Gehitu egin da 100.000 euro 08 Zerbitzuko 45499 azpikontzeptuko "Udako Euskal Unibertsitatearentzako diru-laguntza" izeneko 008 kontu-sailaren zuzkidura.

4231 Programa. Hezkuntza-sustapena

Gehitu egin da 40.000 euro 10 Zerbitzuko 45499 azpikontzeptuko "Nafarroa Oinez-en aldeko diru-laguntza" izeneko 002 kontu-sailaren zuzkidura.

Gehitu egin da 40.000 euro 10 Zerbitzuko 45499 azpikontzeptuko "'Herri Urrats'-en aldeko diru-laguntza" izeneko 004 kontu-sailaren zuzkidura.

07 SEKZIOA. ETXEBIZITZA ETA GIZARTE GAIAK

3123 Programa. Gizarte-zerbitzuak

Gutxitu egin da 3.000 euro 21 Zerbitzuko 23100 azpikontzeptuko "Boluntariotzako plana egitea" izeneko 001 kontu-sailaren zuzkidura.

Sortu egin da 21 Zerbitzuko 23100 azpikontzeptuan "Familia-bitartekotzari buruzko lege-arautegia prestatzea" izeneko 002 kontu-saila, 3.000 eurokoa.

Gutxitu egin da 90.152 euro 21 Zerbitzuko 45499 azpikontzeptuko "Ikastaroak, jardunaldiak eta mintegiak antolatzea" izeneko 001 kontu-sailaren zuzkidura.

Sortu egin da 21 Zerbitzuko 45499 azpikontzeptuan "Familia-bitartekotzako zentro edo zerbitzuak sortzea" izeneko 018 kontu-saila, 90.152 eurokoa.

08 SEKZIOA. JUSTIZIA, LAN ETA GIZARTE SEGURANTZA

1411 Programa. Justizia Administrazioa

Gehitu egin da 36.060 euro 11 Zerbitzuko 45499 azpikontzeptuko "Testu prozesalen elebietako bertsioa. Euskal Ikerketen Erakundearekiko hitzarmena (Deustuko Unib.)" izeneko 003 kontu-sailaren zuzkidura.

09 SEKZIOA. OSASUNA

4112 Programa. Osasun finantzaketa eta kontratazioa

Sortu egin da 23 Zerbitzuko 16201 azpikontzeptuan "Osakidetzan Euskararen Erabilera Normalizatzeko Plana" izeneko 001 kontu-saila, 1.000.000 eurokoa.